Mikilvægt að maðurinn sé eldri

Það er ávallt mikilvægt að maðurinn sé eldri en konan. Þar sem (nema í undantekningartilvikum) karlmenn eru einfaldlega lengur að þroskast. Þeir eru börn lengur (no offence elsku karlmenn).

Hins vegar held ég að þeim myndi finnast óþægilegt til lengdar að eiga konu sem væri mikið gáfaðri. Og ég held að konur vilji líka sjálfar hafa makann amk jafngáfaðan og þær eru. Svo ég held það sé best að fólk bindist sínum jafnoka hvað þetta varðar. Ólíkt með aldurinn - þar er 5 ár plús lágmark!

En þeir segja víst að ástin spyrji ekki um aldur og fyrri störf. Sel það ekki dýrara en ég keypti það..

 

Mælt með að konan sé yngri og klárari

Athugasemdir

[Villi Asgeirsson, 27.10.2009 kl. 10:58]

Fátt er verra en maki sem er á allt öðru plani og maður sjálfur. Hvort sem það er greind eða áhugamál. Hafi parið ekkert sameiginlegt, getur það ekki farið vel. Það má halda öllum fjandanum gangandi, en hvenær hættir það að vera þess virði?

Aldurinn er svo annað mál. Skiptir í rauninni litlu á meðan báðir aðilar eru komnir með þroska til að taka sjálfstæðar ákvarðanir. Two concenting adults og allt það. Ég held að fólk finni það sjálft hvort viðeigandi passi eða ekki. "Æskilegur" aldursmunur breytist með aldrinum.

[Egill, 27.10.2009 kl. 12:37]

við erum lengur að þroskast ..

eða konur fara fyrr yfir síðasta neysludag. (no offence elsku kvenmenn).

[Gunnhildur Ólafsdóttir, 27.10.2009 kl. 17:14]

Það er einfalt - það hættir að vera þess virði þegar maður er ekki hamingjusamur lengur. Og já ef maður hefur lært e-ð þá er það að aldur ER afstæður!

...og tjahh konur eru oft mjög glæsilegar þó þær eldist - og ekki minnka nú gáfurnar! Við höfum bara svo margt annað til brunns að bera en útlitið - það er þess vegna sem við viljum greinda, góða, myndarlega, skemmtilega, fyndna og duglega menn - þetta er ekkert hrikalega flókið og engar gígantígskar kröfur neitt heldur.

[Villi Asgeirsson, 27.10.2009 kl. 17:23]

Sammála. Ég sé ofboðslega mikið að fólki í vinnunni. Hundruð á hverjum degi. Og ég fæ að skoða vegabréfin og vasast í einkamálum þess. Sumar konur eru fallegar langt fram eftir aldri, jafnvel upp í elli. Aðrar missa fegurðina strax upp út tvítugu, ef þær einhvern tíma höfðu hana. En það sem mestu máli skiptir er ekki mittismálið, háraliturinn eða aldurinn. Þetta er klisja fjandans, en fegurðin kemur innan frá. Fullkomið útllit er einskis virði ef karakterinn er rotinn. Og kona ( og sjálfsagt maður líka) sem hefur yndislegan karakter verður falleg, hvernig sem hún lítur út.

Það sem skiptir máli er að fólk passi saman.